【台灣地震前兆？】民眾瘋傳「地震雲」現蹤多地！未來兩週恐爆6級地震？官方終於回應！

近日，台灣天空出現超詭異「雲層異象」，你有冇留意？
社交平台瘋傳「波浪狀」、「魚鱗紋」、「像裂縫咁扭曲」的雲層圖，有網民一見即話：「呢啲咪傳說中嘅地震雲囉！」👀
啱啱先發生緬甸7.9級大地震，台灣又出現呢啲天空異象，大家開始擔心：會唔會係地震前兆？

旅遊優惠碼懶人包：Agoda、Klook、KKday、Trip.com 優惠全攻略

酒店住宿+機票+門票優惠👉

根據網上流傳嘅照片，包括台中、嘉義、台南等地都有人見到奇怪雲層，個樣真係唔似普通雲咁簡單——有啲似波浪、有啲似鱗片，仲有啲扭扭曲曲，好似天空「裂開」一樣！

圖片來源：地震氣震@Facebook

一時間，「地震雲」成為熱搜，留言區洗板式出現「天佑台灣」、「會唔會大地震」等討論。不過，台灣中央氣象署就話啦：「地震雲無科學根據！」科學家指出，雲層變化同天氣、濕度、風速都有關，暫時未有證據可以話雲樣係地震前兆。

雖然「地震雲」可能係偽科學，但天災真係唔可以掉以輕心！
台灣前中央氣象局地震測報中心主任郭鎧紋就話，今次緬甸大地震由印度板塊推擠歐亞大陸板塊引起，壓力轉移有機會影響台灣。尤其係 雪山山脈、嘉南平原、阿里山山脈 呢三大區域，未來兩週要小心6級以上地震。

圖片來源：台灣新聞網

講真，今次地震威力堪比177顆原子彈，全球板塊就似「蹺蹺板」，一邊釋放能量，另一邊壓力上升，可能引爆連鎖地震！

唔駛等到地震嚟先驚～日本人早就發展出一套超實用嘅「預震自保術」，Bravel幫你整合成易記版，無論你係喺台灣生活，定準備去旅行，都要學識！

🥇 第一步：「日常準備」要做足 ✅

🥈 第二步：「地震一發生」3字口訣要記實！

👉 趴、掩、穩（Drop, Cover, Hold On）係全球通用嘅地震自保公式！

• 趴下：避免站立，降低重心，減少跌倒風險
• 掩護：即刻躲入堅固桌子底，或用手/枕頭保護頭部
• 穩住：緊握住掩護物，等搖晃停止先移動

📌 千祈唔好衝出屋企／搭lift！ 地震期間最危險就係企喺窗邊／露台／易倒塌建築附近。

🥉 第三步：「震後行動」保持冷靜 ⚠️

• Check有無火警／石油氣/媒氣味，即刻關電源、石油氣/媒氣掣
• 開門check出口通唔通，防止門框變形卡住
• Keep住手機電量，收聽官方最新消息，不要亂傳假消息
• 聽從撤離指示，唔好搭電梯，有需要可以行樓梯撤離

唔少港人都鍾意去台灣玩（尤其係長假期），但如果你係準備出發，記得唔好只Plan景點，防災準備都一樣重要！

🔎 出發前你可以做呢幾樣：

• 追蹤官方資訊來源：例如中央氣象局、@taiwanalert Telegram 頻道
• 避開高風險地區：阿里山、嘉南平原、山路、地質鬆散地區
• 揀穩陣住宿：建議住新型建築＋低層單位
• Check清楚逃生出口：住酒店 or Airbnb都要做足安全功課！

天災無情人有情，資訊掌握好重要！

雖然未必每次天空異象都代表災難，但多一分警覺，就多一分保障💪
Bravel會繼續為你帶來最新旅遊情報＋安全貼士，無論係冒險、放鬆，定係家庭遊，我哋都支持你 玩得開心、玩得安心！