難波和風旅館！寬敞市區酒店房瞓榻榻米@大阪一榮酒店

日本大部分市區酒店都係細細間嘅西式客房，如果想住下和風旅館又唔一定要去郊區溫泉旅館嘅，喺難波站隔離就有一間啦！一榮酒店於1945年開業，距離機鐵「南海難波站」、地鐵「難波站」約5分鐘步行距離，地理位置極佳！附近有超級市場、百貨公司、大型商場，距離心齋橋、道頓堀、黑門市場等熱門景點亦不過10分鐘步行距離！對比一般商務酒店房間極大，普通雙人客房都有36平方米(普遍雙人房不足20平方米)，較大嘅日式套房更達66平方米，可住4-5人！

• 地址：〒556-0011 大阪市浪速区難波中1-6-8
• 交通：南海電鐵「難波站」步行5分鐘；地鐵「難波站」步行5分鐘
• 機場交通：乘搭南海電鐵 【空港線。南海線】至「難波站」步行約5分鐘
  • Rapi:t α/β：車程約38分鐘(成人票價¥1,430)
  • 機場特快：車程約44分鐘(成人票價¥920)
• CHECK-IN：14:00；CHECK-OUT：11:00
• 附近景點：
  • 難波CITY、難波０１０１、高島屋百貨、難波PARKS(約步行5分鐘)
  • 道頓堀、BIC CAMERA、千日前道具屋筋商店街(約步行7分鐘)
  • 黑門市場、戎橋、Max Value Supermarket(約步行10分鐘)
  • 心齋橋(約步行13分鐘)

一榮酒店設18間和室及4間洋室共22間客房，房間設施齊全，大致分為4款，不過洋式客房咁常見，要住當然住日式客房啦！如果驚瞓唔慣榻榻米仲可以揀和洋二合一嘅房間，既有洋式床鋪亦有和式客廳：

1. 高級日式套房(約66平方米，可住4-5人)
   
2. 日式現代風皮客房(和洋二合一設計，約36平方米，可住3人)
   
3. 日式客房(約52平方米，可住3-5人)
   
4. 洋式客房(約46平方米，可住2人)
   

酒店距離購物點道頓堀、心齋橋筋商店街、戎橋筋商店街、千日前道具屋筋商店街、BIC CAMERA、難波WALKS地下街、難波PARKS／CITY／0101等商場、高島屋百貨公司，全部都只係5-10分鐘腳程，方便購物和中途休息將戰利品送返酒店！

除咗行街，酒店亦同有「大阪廚房」之稱嘅「黑門市場」好近(約步行10分鐘)！黑門市場有好多新鮮食材即買即食！刺身、海膽、河豚、貝類等新鮮海產，仲有黑毛和牛、同埋日本新鮮水果！日日去食刺身做早餐都得！回程個日仲可以買日本水果做手信添！