✨【展覽情報】蠟筆小新「玩轉！時空大冒險」登陸啟德！亞洲首站 × 沉浸式體驗 × 主題精品 × 親子打卡熱點

想找個地方週末放電？喜歡懷舊動漫，又愛打卡拍靚相？今個夏天，全港首個《蠟筆小新》沉浸式互動展覽——【蠟筆小新「玩轉！時空大冒險」互動體驗展】正式登陸香港啟德零售館，無論你係資深動漫迷，定係想搵親子好去處，一樣啱晒你！

作為亞洲巡迴首站，【蠟筆小新玩轉時空大冒險互動體驗展】面積超過10,000呎，完美重現《蠟筆小新》35年來多個經典電影場景，由動畫、漫畫到電影粉絲都會感動到喊！一踏入「野原家客廳」，你就會正式成為春日部防衛隊一員，展開一場穿越時空嘅救援任務！

【蠟筆小新「玩轉！時空大冒險」互動體驗展】訂票優惠：

唔止影相咁簡單，成個展覽由5大主題專區組成，橫跨9大展區，每個空間都設計得非常講究，好影又好玩，仲有唔少互動體驗，包你拍到手機冇電都唔想走！

1. 野原家客廳：

整個時空大冒險由呢度揭開序幕，小新一家原本喺客廳享受家庭時光，一股神秘力量突襲，將家人捲入時空裂縫，故事正式展開。

👉 展區仲有故事導覽影片，方便入場前「入戲」！

2. 外星太空船：

改編自《宇宙人Pi力來襲！！》，大家可以幫小新收集星星拯救朋友，仲可以用手機APP儲分數，挑戰隱藏角色任務，勁有代入感～

👉 場景設計充滿未來感，真係有種飛上太空feel！

3. 森林探險：

跟住電影《叢林冒險》打造，呢區充滿自然氣息，可以同小新一齊郁動做動作玩遊戲，小朋友會玩到唔肯走～

👉 有感應式跳舞裝置，跳得開心又放電！

4. 夢之世界：

妮妮兔嘅幻想房間可唔簡單，粉紅色嘅夢幻一面超打卡，暗黑區則有互動裝置比你拍打變形妮妮兔，一秒變身壓力釋放站！

👉 一邊可愛，一邊瘋狂，妮妮兔fans必到！

5. 未來城市：

以《超時空新娘》為背景，展區設有AI角色識別機台，只需企前面俾系統掃一掃，就可以即時知道你最似邊個小新角色～

👉 超高科技＋互動，打卡加娛樂二合一！

【蠟筆小新「玩轉！時空大冒險」互動體驗展】訂票優惠：

記得入場前下載專屬APP，變身成為時空搜救員！你需要喺每個展區掃描QR Code，拯救角色、儲分、解鎖挑戰，仲有部分角色需要解謎先搵到，非常有趣味性。無論你係手機控定解謎控，都會玩上癮！

展覽最後一站係小新博物館，全場懷舊感最強嘅展區。由漫畫原畫、電影海報，到臼井儀人老師介紹、小新角色關係圖，一覽蠟筆小新35年經典足跡。如果你係忠粉，一定會睇到流晒淚＋拍到唔捨得走！

唔止睇展覽，場內仲有超過200款香港限定蠟筆小新主題精品，靠墊、Tote Bag、明信片套裝樣樣齊～
而期間限定小食店亦會推出多款打卡造型餐點，從小白甜品到春日部便當，味道+賣相兼備，影完仲真係想食落肚！

• 展期：2025年4月29日 至 8月31日
• 開放時間：11:00–22:00（包括公眾假期）
• 地點：香港啟德體育園 啟德零售館2，4樓 (地圖按此)
• 票價：
  • 早鳥優惠：$88 起（由即日起至開幕日前發售）
  • 正價門票：$108 起（平日、假日及雙人套票視乎選擇）

【蠟筆小新「玩轉！時空大冒險」互動體驗展】訂票優惠：

• 親子遊推介：互動遊戲+拍照場景，小朋友一定玩到唔捨得走！
• 打卡控：記得帶足手機電+自拍神器，每個角落都好影！
• 建議穿著輕便衣物，展區空間大，可以玩足幾個鐘！

無論你係想懷緬童年回憶，定係一家大細來個開心互動之旅，【蠟筆小新玩轉時空大冒險互動體驗展】都係2025年暑假必去展覽之一！即刻約定好友、孖住小朋友一齊出發啦～記得tag埋我哋Bravel喔！

圖片來源：官方圖片，蠟筆小新玩轉時空大冒險@Facebook